بين الـ "ما جابت شئ جديد" و "لعبه اسطوريه" GTA V

قبل كل شئ احب اهني الجميع بحلول شهر رمضان المبارك و كل عام والجميع بالف خير و تقبل الله منا و منكم صالح الاعمال.

 هذا اول مقال ليا و فاتحه المدونه , لذلك اعذروني جوده المقاله ممكن تكون تحت المتوسطه لسبب قله الخبره

منذ الاعلان عن لعبه  Grand Theft Auto V في اوكتوبر 25 عام 2011 ما شفنا غير فيديوهات قليله عن اللعبه, الاول كان عرض الكشف عن اللعبه و كان في الـ5 من نوفمبر في عام 2011, العرض الثاني كان في اواخر عام 2012 , و اخيرا ترايلر التعريف بالشخصيات المتواجده باللعبه و اطلقوا الترايلر في ابريل الماضي. بالاضافه الى هذه الفيديوهات, كانت شركه روكستار تفرج على مجموعه من الصور و الرسومات الخاصه باللعبه  بين الفتره و الاخرى. خلال هذه الفتره اللي امتدت الى سنه و نص تقريبا ما شفنا اي شي من الجيم بلاي و الذي يعتبر من اهم الاشياء في عالم الالعاب!

مجتمع اللاعبين كانت عندهم ارائ مختلفه حول هذه السياسه, منهم من كان مؤيد فكره عدم الكشف عن الجيم بلاي لاسباب مختلفه منها التسويق الصحيح للعبه و محاوله اللعب بمشاعر اللاعبين و جعلهم يتحمسون للعبه لاقصى حد. الطرف الثاني "وانا منهم" كان معترض على هذه السياسه لاسباب كثيره منها رفع مستوى الهايب كثيره, وبهذا ترتفع توقعاتنا لمستوى اللعبه ما تقدر توصل ليه.  طبعا الكثير من الجيمرز في المجتمع العربي و العالمي اصدرو حكمهم على اللعبه "سواء سلبيه او ايجابيه" بناء على 3 اسباب. الاول بسبب تجارب سابقه للعبه "اقصد الاجزاء السابقه" او على بناء الفيديوهات القليله و الصور الكثيره اللي اطلقتها الشركه و اللي ما ورتنى حتى القيم بلاي. و الفصيله الاخير قام يحكم على اللعبه بناء على المعلومات المتوفره على الانترنت و اللي اغلبها مو مؤكده رسميا من الشركه.  قبل كم يوم نزلت الشركه موضوع سؤال و جواب عن اللعبه علشان توضح اغلب الاسئله و الشاعات الموجوده عن اللعبه و من ضمن احد الاجوبه كان مكتوب انهم راح يعلنو عن جيم بلاي ترايلر قريبا. بما اني متابع قريب لشركه روكستار ما اهتميت للجواب كثير, لان كلمه قريبا بالنسبه لروكستار قد تكون يوم واحد و قد تكون سنه كامله. قبل امس اعلنوا في تويتر و فيس بوك ان الفيديو قادم بعد يوم واحد فقط ... طبعا الاغلب تفاجئ بهذا الخبر لان مافي كثير كانو يتوقعو ان الفيديو كان قادم بهذه السرعه, خاصه بعد ان اعلنت Take-Two  واللي روكستار جزء منها حضورهم لمعرض جيمزكوم في المانيا الشهر المقبل. نزل الترايلر اللي مدته تقريبا 5 دقائق. بالنسبه ليا كعاشق لسلسه الترايلر كان خرافي, لكن للاسف لسه ما قدرت احكم على اللعبه من مجرد 5 دقائق جيم بلاي و لو اني استفدت كثير من اللعبه و مستوى الهايب ارتفع عندي بشكل خرافي.

المهم موضوعي اليوم اساسه رده الفعل بعد نزول الفيديو و اغلب الردود اللي شفتها هيا اما ان اللعبه " أسطوريه" او انها "ما جابت شئ جديد" . قليل هما القيمرز اللي ما حاولو يدخلو في احدى هذه النقطين. بالنسبه لي فما اتفق ابدا مع النقطه الاولى و السبب الرئيسي هو ان تقريبا كل االعب صارت اسطوريه. سوى كانت لعبه نازله او لعبه لسه بتزل. وانا لسه لحد الان ماني فاهم المقصد وراء كلمة "أسطوريه". كل معجب باللعبه معينه يقول عنها اسطوريه. ما عندنا اي مقياس يحدد متى و على اي لعبه ممكن نستخدم هذا المصطلح على لعبه معينه. رغم اني بعد ما بحثت في ويكيبديا عن الكلمه ما شفت اي شئ يربطها بالجيمز. النقطه المراد الوصول لها هيا ما ينفع نطلق على كل لعبه كلمه "أسطوريه", وحتى لو نريد استخدام هذا المصطلح ما ينفع نستخدمها على كل لعبه لمجرد ان تاريخها مضئ او بسبب ترايلر او جيم بلاي ترايلر حلو نزلته الشركه المطوره للعبه.

أما بالنسبه للنوع الثاني اللي دائما ما يكون رده "ما جابت شئ جديد" فهذا و مع كامل احترامي ماهو جيمر كامل. لو كل ما شفناه من معلومات وفي الفيديوهات الصادره يكون صحيح, فان روكستار جالسه تعيد تعريف العاب العالم المفتوح. الشركه جابت اعاده تطوير مدينه لوس سانتوس من جديد بدناميكيه جديده, ومن الفيديوهات شايفين ان المدينه حيه بشكل غير طبيعي, اللعبه تحتوي على 3 شخصيات من 3 عوالم مختلفه منها سارق بنوك غني متقاعد معاه عائله, رجل عصابات اسمر يحب السيارات و البنات, و الشخصيه الاخيره الريفي المتعصب اللي ما يعرف يتعامل مع اي شئ غير بالعصبيه و الضرب. اللعبه اضافه الحيوانات. هناك الكثير من الالعاب الصغيره اللي قربت تكون العاب منفصله كـالتنس , سباق درجات الغولف , القفز بالمضله و الكثير..

وبعد كل هذا يجي واحد و يقول لك مافي شئ جديد.. اي المطلوب يعني؟ اتمنى واحد من الناس اللي يردو كذا يكلمني و يقول لي ايش تعرف كلمه شئ جديد ؟ ماهو الشي الجديد اللي ودك يكون في اللعبه؟ الكثير اشتكى من المال في اللعبه و انه ممكن يكون سهل الكسب و مافي شئ تصرفه فيه. في الترايل اللي نزل امس شفنا كميه غير طبيعيه من التعديلات و الملابس اللي نقدر نسويها في اللعبه من شراء ملابس, تعديل سيارات, اوشام و حتى المشاركه في البورصه!!! بالاضافه اللي ان هناك اشياء كثيره لم تكشف عنها الشركه حتى الان. اما الاونلاين فما شفنا منه غير لقطه قصيره و من بناء على هذه اللقطه اقدر اقول ان الاولاين بيكون شي كبير جدا! لكن هل راح تنجح الشركه بتقديمه بالطريقه المطلوبه؟

خلاصه المقاله هيا ان الفيديو اللي نزل بالامس كان خورافي و اعتقد ان اغلب الناس تتفق معايا في هذا الشئ, بس هل كافي نحكم على اللعبه من هذا الفيديو و بس؟؟ بالسبه ليا ما راح احكم على اللعبه حكم نهائي الا لما اجر اللعبه... لكن مستوى الهايب و التوقع مرتفع بالنسبه كبيره جدا و بالنظر فقط للتاريخ الشركه اعتقد انها راح تعطينى تجربه رائعه لا تنسى و لكن هذا يبقى في الاخير مجرد توقع!!

الهمني في كتابه هذا المقال, الاستاذ الكاتب محمد الشريف, عضو موقع سعودي جيمر!!

اتمنى انكم استمتعتوا بقرائه المقال.. اتقبل النقد البناء بصدر مفتوح !! 

تابعوني على تويتر